Касымалиев  Сауд Арабиянын Кыргызстандагы элчисин кабыл алды

Министрлер кабинетинин төрагасы Адылбек Касымалиев Сауд Арабиянын Кыргызстандагы элчиси Ибрахим бин Ради Аль-Радинин дипломатиялык миссиясынын аяктагандыгына байланыштуу кабыл алды.

Жолугушууда тараптар Кыргызстан менен Сауд Арабия Падышалыгынын ортосундагы эки тараптуу мамилелердин жогорку деңгээлин ырасташты.

Элчи Кыргызстандагы ишинин жүрүшүндө кыргыз тарап тарабынан көрсөтүлгөн колдоону жогору баалап, миссиянын мезгили учурунда өлкөлөр ортосундагы достук байланыштардын олуттуу бекемделишине салым кошконун жана ага эң жагымдуу таасир калтырганын белгиледи.

Касымалиев өз кезегинде элчиге кыргыз-сауд мамилесин өнүктүрүүгө кошкон жеке салымы үчүн ыраазычылык билдирип, келечекте конструктивдүү диалогду жана өз ара аракеттенүүнү улантууга даяр экендигин белгиледи.

Өкмөттөн билдиргендей, тараптар акыркы жылдарда ишке ашырылган жемиштүү биргелешкен иштердин жыйынтыктарын канааттануу менен белгилешти.