Бишкекте кыз менен таанышкан жигит тонолду

Бишкекте 23 жаштагы 2 жигит киши тоноого шектелип кармалды. Бул тууралуу Ленин райондук ички иштер бөлүмү билдирди.

Маалыматка ылайык, 20 жаштагы жигит милицияга арыз менен кайрылган. Ал интернет аркылуу бир кыз менен таанышып, анын сунушу менен экөө жолугушууну пландашканын айткан. Жабырлануучу макулдашуу боюнча 5-декабрда түнкү саат 04:30да спорт комплекстеринин бирине барган. Бирок ал жактан аны 2 жигит тосуп алып, коркутушуп, iPhone 11 Pro Max үлгүсүндөгү телефонун жана кол саатын тартып алышкан.

Аталган факт боюнча Кылмыш-жаза кодексинин 206-беренеси (Тоноо) менен кылмыш иши козголуп, кармалгандар убактылуу кармоочу жайга киргизилишкен. Учурда тергөө иштери уланууда.