Садыр Жапаров иш сапары менен Ашхабад шаарына барды (сүрөттөр)

Президент Садыр Жапаров бүгүн, 11-декабрда иш сапары менен Ашхабад шаарына барды. Мамлекет башчысын аэропортто Түркмөнстандын Халк Маслахатынын төрагасы Гурбангулы Бердымухамедов жана башка расмий адамдар тосуп алышты.

Бердымухамедов президентти жылуу тосуп алып, Ысык-Көлгө болгон жайкы сапарын өзгөчө жылуу сезим менен эскерип, өлкөлөр ортосундагы чын ыкластуу достук маанайын өзгөчө белгиледи.

Тараптар мындан аркы кызматташуунун келечеги тууралуу пикир алмашып, эки жана көп тараптуу форматта активдүү өз ара аракеттенүүгө даяр экендиктерин билдиришти.

Сапардын алкагында Жапаров Тынчтыктын жана ишенимдин эл аралык жылына (2025-жыл), Бейтараптыктын эл аралык күнүнө жана Түркмөнстандын туруктуу бейтараптыгынын 30 жылдыгына арналган Эл аралык форумга катышат.