Кыргыздын Италиядагы элчиси Таалай Базарбаев кызматынан бошотулду
Кыргызстандын Италиядагы элчиси, БУУнун Азык-түлүк жана айыл чарба уюмундагы, БУУнун Дүйнөлүк азык-түлүк программасындагы жана Айыл чарбаны өнүктүрүүнүн эл аралык фондундагы Кыргыз өлкөсүнүн туруктуу өкүлү Таалай Базарбаев кызмат ордунан бошотулду. Бул тууралуу президенттин маалымат кызматы 12-декабрда билдирди.
Расмий маалыматка ылайык, Базарбаев дипломатиялык кызматынын мөөнөтү аяктаганына байланыштуу кызматтан кетти. Тиешелүү жарлыкка өлкө башчы Садыр Жапаров кол койгон.
Эске салсак, ал аталган кызматка 2021-жылы май айында дайындалган.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг:
0
0
Талкуу жабык.

Супер-Инфо
super.kg видео
















