Кытайдан ири техникаларды алып келген ишкер менен маек (видео маек)

Учурда Кытай өлкөсүнөн келген товарлар менен соода-сатык жүргүзүү актуалдуу болуп жаткан кези. Бул чыгарылышта дал ушул Кытайдан ири техникаларды алып келип, дыйкандардын муктаждыктарына ылайыкташтырылган заманбап жабдууларды сунуштап келген Мырзабек Асылбеков менен маектешебиз. Ал 23 жаштагы жаш ишкерлердин катарын толуктайт.

Ал алып келген техникалар айыл чарба иштерин жеңилдетип, өндүрүмдүүлүктү жогорулатууга жардам берет. Мындан сырткары, Мырзабек "Тазабол" клининг компаниясын жетектеп, тазалык кызматтарынын сапатын жогорку деңгээлде уюштурат. Жаш болсо да ал бир нече багытта ийгиликтүү иш жүргүзүп, заманбап ой жүгүртүүсү жана жоопкерчилиги менен айырмаланат.

"Көпчүлүк арзан товар алууну көздөп, баасына эле маани берип коюшат. Чындыгында аз өлчөмдөгү товар буюртма берсеңиз, анан салмагы менен бул жактагы баадан дагы кымбат болуп калат. Ошондуктан Кытайдан көп өлчөмдө товар алып келсеңиз гана пайда болот",- дейт ишкер.