Төрага: "Жыйынга келбеген депутаттардын маянасы кыркылып, тизмеси коомчулукка чыгарылат" (видео)

Жыйындарга катышпаган депутаттардын маянасы кыркылып, тизмеси коомго ачык чыгарылат. Бул тууралуу бүгүн, 18-декабардагы Жогорку Кеңештин жыйынында парламент төрагасы Нурланбек Тургунбек уулу айтты.

Төрага кийинки жумада каралуучу маселелер көп экенин белгилеп, эл өкүлдөрүн ага активдүү катышып берүүгө чакырган.

"Жогорку Кеңеште каралуучу маселелер өтө көп. Шайлоого байланыштуу жыйындар өтпөй, өтө зарыл мыйзам долбоорлору күтүп турат. Мындан улам кийинки жумадагы жыйындарга активдүү катышып бериңиздер. Тартип катуу болот. Келбеген депутаттардын маянасын кыркабыз. Себеби жок келбегендерди коомчулукка жарыялайбыз. Эл сиздерге "биздин округдун маселесин айтып турат" деп ишеним берди. Активдүү катышпаган депуттарды маалымат каражаттары аркылуу чыгарбыз. Эл билсин, кайсы депутат кайда жүргөнүн",- дейт төрага.