Казакстанда үч жаштагы кыздын каза болгону боюнча сот иши аяктады

Казакстандын Астана шаарында жеке стоматологиялык клиникада 18 тишин дарылоодо каза болгон үч жаштагы кыздын иши боюнча сот процесси аяктады. Бул тууралуу "Казинформ" агенттиги билдирет.

Маалыматка ылайык, сот анестезиолог дарыгерди күнөөлүү деп таанып, бирок Конституциянын 30 жылдыгына карата жарыяланган амнистиянын негизинде негизги жазадан бошотту.

Соттун чечими боюнча дарыгерге 2 жылга эркинен ажыратуу жана 3 жылга медициналык кызмат көрсөтүү менен байланышкан кызматтарды ээлөөгө тыюу салуу каралган. Бирок жазанын негизги бөлугү амнистиядан улам колдонулбайт.

Анестезиолог сотто күнөөлүү эмес экенин билдирип, бейтаптын оорусу тууралуу кабары жок экенин айткан.

Эскерте кетсек, бул окуя 2024-жылдын 30-октябрында Астанада болгон. Үч жаштагы кыздын 18 тишин наркоз менен дарылоодон кийин каза болгон.