Эл өкүлү Эрулан Кокулов өзүнө карата айтылган ушактарга жооп берди (видео)

Жогорку Кеңешке депутат болуп шайланып келген эл өкүлү Эрулан Кокулов Фейсбуктагы баракчасы аркылуу коомчулукка кайрылып, өзүнө карата айтылып жаткан жалган маалымат аны жумушунан алаксытып жатканын билдирди.

"Кандайсыңар? Мен баягы жетим. Экинчи ирет депутат болуп жатам. Бул ирет да мени "миллионер жетим" кылган кишилер табылып жатат. Биринчисинде да бир аял "4-5 батири бар, Умар Дадановго анын бирин белек кылган" деп чыккан да. Азыр да ошол болуп жатат. Менин кейигеним, журанлисттер такталбаган маалыматтарды чыгарганы. Буга жоопкерчилик бар. Биринчисинде аял киши ар кандай ушактарды чыгарып, азыр болсо чоң эле байке айтып жатат. Ал байкенин кыларга иши жокпу? Негизинен мамлекетиңизге пайда алып келген нерсе кылсаңыз болмок. Сиз аны күлкү катары көрүп жатасыз. Сизге ийгилик каалайм", - деди депутат.

Кокулов айтылган ушак-айыңдар аны жумушунан алаксытып жатканын, мамлекеттин жумуш менен эмес, майда-барат нерселер менен алек болуп калып жатканын кошумчалады.