Быйыл жеке агенттиктер 17 миңден ашуун жаранды чет өлкөдө ишке орноштурду

Жыл башынан бери жеке ишке орноштуруу агенттиктери жалпы 17 миң 167 жаранды ишке орноштурду. Бул тууралуу Эмгек министрлигине караштуу Чет өлкөдө жарандарды ишке орноштуруу борборунун маалыматында айтылат.

Алардын ичинен 6 957си кыз-келиндер. Эң көп суроо-талапка ээ болгон багыттар Улуу Британия (5284 адам), Түркия (5287), Германия (2707), Болгария (1273) жана Орусия (1463) болду. Калган жарандар Европа жана Азия өлкөлөрүндө, круиздик лайнерлерде, ошондой эле бир катар араб мамлекеттеринде ишке орношушту.

Уруксат берүү кызматтарынан республикалык бюджетке түшкөн киреше 572 миң сомду түздү. Мындан тышкары, аталган борбор иш берүүчүлөрдүн же ортомчулардын мыйзамсыз аракеттерине байланыштуу 20 жаранга жалпы суммасы 1 130 603 сомду түзгөн акча каражаттарын кайтарып алууга көмөк көрсөттү.