Элвира Сурабалдиева мамлекеттик төрөт үйлөрүндөгү жемкорлук маселесин айтты (видео)

Бүгүн, 23-декабрда Жогорку Кеңеште министрлер кабинети жыл жыйынтыгын чыгарып жаткан учурдан пайдаланып, депутат Элвира Сурабалдиева Бишкектин аймагына жаңы кошулган Степное айылындагы маселе менен кайрылды.

Эл өкүлү ага жаш келиндер төрөт үйүндөгү жемкорлук боюнча арызданып жатканын билдирди.

"Төрөт үйүнө биринчи жолу төрөгөнү барган жаш келиндерибиз кайрылып жатышат. "Жеке төрөт үйлөрүнө барууга каражатыбыз жок, ал эми мамлекеттики болсо төрөгөндөн кийин каражат сурашып, аны бермейинче чыгарбай жатышат" деп. Бул чоң маселеле",- деди депутат.

Ошондой эле аталган аймакка Саламаттык сактоо министрлигине караштуу социалдык дарыканаларды курууну да караштыруу керектигин билдирди.

Министрлер кабинетинин төрагасы Адылбек Касымалиев коррупциялык жагдайды жеке көзөмөлүнө ала тургандыгын айтты.