Кыргызстандын түндүгүндө жер титиреди

22-январда саат 02:46да Кыргызстандын түндүгүндө күчү 4,5 баллга жеткен жер титирөө катталды. Бул тууралуу бүгүн, 22-январда ӨКМнын басма сөз кызматы билдирди.

Маалыматка ылайык, зилзаланын очогу Нарын облусунда, Бишкектен 100 чакырым алыстыкта катталган. Зилзаланын күчү Узун-Булак айылында 4 балл, Кызартта 3,5 жана Кочкор айылында 3 баллга жеткен. Азырынча кыйроолор же жабыркагандар тууралуу маалымат түшө элек.