Мэр Кубанычбек Кулматов бүгүнкү иш сапарында райондук акимдердин ыйгарым укуктарын кеңейтүү ниетин билдирди (фоторепортаж)

Бишкектин мэри Кубанычбек Кулматов коомдук унаа менен шаар ичинде.

Ала-Арча дарыясынын үстүндө көпүрө сыяктуу курулган "1:0" спорттук кафе-бары 1,5 жылдан бери иштебей жаткандыгы белгилүү болду.

Ала-Арча дарыясынын үстүндө көпүрө сыяктуу курулган "1:0" спорттук кафе-бары.

Мэр Кубанычбек Кулматов журналисттердин суроолоруна жооп берип жаткан учуру.

10-кичи райондогу 4-искусство мектебинде...

10-кичи район. Ушул бош жерде үч кабаттуу имарат курулуш керек болчу. Ал №4-искусство мектебинин имаратына кошулмак.

Бишкектин мэри Кубанычбек Кулматов жана Октябрь районунун акими Камалдин Токтосартов иш сапар учурунда.

Карл Маркс-Донецк көчөлөрүнүн кесилишинде мыйзамсыз коюлган дүкөн.

Бишкектин мэри Кубанычбек Кулматов жана вице-мэр Олег Попиков.

Карл Маркс-Донецк көчөлөрүнүн кесилишинде мыйзамсыз коюлган дүкөн.

Түштүк магистраль-Тынчтык проспектинин кесилишиндеги унаага май куюучу жай.

Мэр Кубанычбек Кулматов муниципалдык наабайкананы куруп жаткан түрк өнөктөштөрү менен сүйлөшүп жатат.

Муниципалдык наабайкананын учурдагы курулушунан көрүнүш...

Курулуш материалдары.

Муниципалдык наабайкананын учурда жүрүп жаткан курулуш иштеринен бир көрүнүш...

Бүгүн, 8-апрелде Бишкек шаарынын мэри Кубанычбек Кулматов Октябрь районунун көйгөйлөрү менен таанышып чыкты. Иш-чарага аталган райондун акими Камалдин Токтосартов да катышып, шаар башчысынан бир нече жолу эскертүү, бир нече жолу каалоо-тилек укту.

Иш сапардын жүрүшүндө Малдыбаев көчөсүндөгү Ала-Арча дарыясында көпүрө сыяктуу курулган "1:0" спорттук кафе-барынын мыйзамсыз курулгандыгы жана анын 1,5 жылдан бери иштебей тургандыгы аныкталды. Андан соң Кубанычбек Кулматов 10-кичи районунда жайгашкан 4-искусство мектебин куруу боюнча маселени талкуулады.

"Орто-Сай" базарына барганда борбордун мэри эки курч көйгөйгө кабылды: гезит сатуучу жайдын адам өтүүчү жолдо жайгаштырылганы жана дүкөндү мыйзамсыз салуу.

Албетте, Кубанычбек Кулматов Түштүк магистраль – Тынчтык проспектинин кесилишиндеги унаага май куюучу жайды көңүл сыртында калтырган жок. Ал эми иш сапар курулуп жаткан муниципалдык наабайканада аяктады.

Иш-чара соңуна келгенде мэр район акимдеринин ыйгарым укуктарын кеңейтүүгө ниеттенип жатканын журналисттерге билдирди.