Чаткал районунда 9 жашар кызды карышкыр тиштеп, ооруканага түштү
Чаткал районунда 9 жаштагы кыздын бетин карышкыр тиштеп алып, ооруканага түшкөн. Бул тууралуу Ала-Бука райондук аймактык ооруканасынын хирургия бөлүмүнүн башчысы Асылбек Шабданов бүгүн, 1-июлда билдирди.
Маалыматтарга караганда, Чаткал районунун Кара-Суу айылынын 9 жаштагы тургунуна 27-июнда үйүнүн жанынан карышкыр кол салып, бетин тиштеп алган. Бул учурда кыздын атасы келип калып кызын куткарып, карышкырды кийин атып алган.
Жараат алган кыз Ала-Бука райондук ооруканасына 28-июнда жеткирилген. “Кыздын бетинде карышкыр тиштегенден калган көлөмдүү жараат бар экен. Биз учурунда чара көрдүк, кыздын абалы азыр канааттандырарлык. Азырынча биздин көзөмөлүбүздө болуп жатат”,- деди Ала-Бука райондук аймактык ооруканасынын хирургия бөлүмүнүн башчысы Асылбек Шабданов.
-1

Супер-Инфо
super.kg видео


















Кемсинтип, мазактоого жол берилбейт.
Сайттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-пикирлер info@super.kg же admin@super.kg электрондук даректерге жазылып жөнөтүлүшү керек.
Chatkal toolu rayon, Aksydan kiyin Alabuka taraptaa. pachata, wakaftar degen jerlerin bilem ХХХ ХХХ ХХХ...
Талкуудан алыс комментарийлер түзөтүлдү, кээ бири өчүрүлдү. Жеке айтышууларга жол берилбейт. Дагы кайталанса эреже бузган колдонуучулар сайттан убактылуу четтетилет.