Жоомарт Оторбаев: “Спорттук кийимимди албай калганым үчүн чуркоого катышпай калдым”

Бүгүн, 4-июлда Бишкекте “Дени сак жашоону өзүңдөн башта” урааны менен спорттук мелдештер премьер-министр Жоомарт Оторбаевдин куттуктоо сөзү менен башталды.

Премьердин айтымында, 2014-2020-жылдарга саламаттыкты сактоо боюнча стратегия бекитилген. “Кыргызстанда бүгүнкү күндө 2010-жылга салыштырмалуу кургак учук илдетине, онкологиялык ооруларга кабылгандардын саны, эне жана бала өлүмүнүн көрсөткүчү бир топ азайды”,- деди ал.

Мындан тышкары оорулардын алдын алуу боюнча иштер мыкты жүрүп жатканын баса белгиледи.

“Тилекке каршы, бүгүн спорттук кийимди албай калганымдан силер менен спорттук мелдештерге катышпай калдым”,- деп кошумчалады.