Талас. Жоон-Дөбө айылында кийим уурдоо боюнча шектүү кармалды

Талас ОИИБинин басма сөз кызматынын ага инспектору Максат Абдысеитов билдирет. 2012-жылдын 4-ноябрь күнү Кара-Буура районунун Жоон-Дөбө айылынын тургуну Перизат Орумбекова арыз менен кайрылган. Арызында 2012-жылдын 29-октябрь күнү белгисиз адамдар тарабынан үйүнөн 3 миң 940 сомдук кийим-кече уурдалганы көрсөтүлгөн. Бул иш боюнча Кара-Буура РИИБинин кызматкерлери тарабынан уурулукка шектелип Маймак айылынын тургуну, 1965-жылы туулган С.Т. аттуу адам кармалып, учурда сурак берүүдө.