Жумгал районунда 16 жаштагы кыз бир жумадан бери дайынсыз болууда

Жумгал районунун Чаек айылында 16 жаштагы Жазгүл Шейшеналиева изделүүдө. Ал үстүбүздөгү жылдын 6-октябрында сабакка баруу үчүн үйүнөн чыгып кеткен боюнча дайынсыз болууда. Бул тууралуу Жумгал РИИБинен бүгүн, 14-октябрда билдирди.

Маалыматка караганда, жоголгон кыз ал күнү мектепке барган эмес. Ошондой эле кайда барарын эч кимге айтпаган.

Бою 150-155 сантиметр, ак жумал, ошол күнү кызыл түстөгү юбка, кара түстөгү жемпер кийип жүргөн. Көргөн-билгендер болсо, (03536) 23-4-38, 0708 27-57-57, 0550 19-77-14, 0778 46-85-84 номурларына кайрылып койсоңуздар.