Алмазбек Атамбаев: "Кыргыздар өзбек же тажик элиндей эмес, биздин элди тыюу салуу менен көндүрүү кыйын"

Кыргызстандын президенти Алмазбек Атамбаев той-аштардагы ашыкча чыгымдарды токтотуу үчүн мамлекеттин тыюу салуу демилгесин колдобойт. Муну өлкө жетекчиси маалымат булактарына 1-декабрда берген маегинде билдирди. "Кыргыздар тажик же өзбек элиндей эмес. Той-аштардын чыгымдарына Тажикстандагыдай чектөө киргизүү, тыюу салуу менен биздин элди көндүрүүгө болбойт. Бир гана жолу бар: түшүндүрүү иштерин жүргүзүү керек. Түшүндүрүү иштерин жүргүзүүдө массалык маалымат каражаттарынан жакшы эч нерсе жок",- деди Алмазбек Атамбаев.