Туулган жерим - асыл турагым,
Сезимимде өчпөс чырагым.
Симфония болсоң сен эгер,
Нота болуп сага турайын.

Кайырма:
Кереметтүү күүлөр куюлуп,
Кулагымда турат угулуп.
Туулган жерим, сенде турбайбы,
Айтып бүткүс кооз сулуулук.

Түшкө кирсе күлгүн жамалың,
Жүз көрүшүп тунуп каламын.
А сен болсо бүтпөс чоң дастан,
Бар болгону, мен бир сабагың.

Кайырма:

Обон салып, талаа жаңыртып,
Кайрыктарын миң бир кыялдын.
Дептер болсоң сансыз барактуу,
Из калтырар мен бир сыямын.

Кайырма: