Жазылбай актай калган барагыма,
Эми мен атыңды атап ыр жазбаймын.
Толтуруп жүрөгүмдү кусалыкка,
Сагынам деген сөздү,
Күтөмүн деген сөздү оозанбаймын.

Кайырма:
Жол карап күткөн күндөр артта калды,
Кеч күздүн жалбыраксыз дарагындай.
Аз-аздан унутулат аёо сезим,
Өмүрдүн саргарган бир,
Мезгилдин саргарган бир барагындай.

Жазылбай актай калган барагыма,
Көзүмө жаш толтуруп карабаймын.
Жаштыктын жазы толгон көчөсүнөн,
Жарк этип көрүнсө деп,
Нур болуп төгүлсө деп самабаймын.

Кайырма: