Өмүр!
Өтпөш керек өкүнүчтө өмүр.
Өмүр!
Өчпөш керек үмүт нуру өмүр.
Кандай жаман каректен жаш аккан. Арман.
Энелерди аза күтүү баскан. Арман. Оой арман.
----
Агат!
Аянычтуу көздөн жашым агат.
Азап!
Таштандыдай жан ташталса азап.
Айыкпаган жан-дүйнөмдө арман.
Өтүп бул күн бүтөт дүйнөң жалган. Жазган.
-------
Жашоо кандай сонун белек!
Жашап үйрөнөлү демек!
Жашоо ырахаттуу белек!
Аткарылса аруу тилек!
------
Жашоо кандай сонун белек!
Баалап баркын билсек демек!
Жашоо кандай сонун белек!
Жашап сүйүп аны билсек!
-------
Үмүт!
Үзүлбөгөн өчпөс жарык үмүт.
Үмүт!
Туңгуюктан алып чыгат үмүт!
Кандай жакшы көзүнөн нур чакчкан, жылмайсаң!
Кучагында кубаныч гүл ачкан

Адамы жок тоолордун арасынан,
Арамы жок махабат талаасынан
Калкып учкан көктөгү булуттардай
Учкум келет, айыл, сага карай.

Кайырма:
Булуттардай, булуттардай,
Учкум келет, айыл, сага карай.
Булуттардай, булуттардай,
Учкум келет, айыл, сага карай.

Кере жутуп булактын тазасынан,
Кең Ала-Тоо жайлоонун абасынан,
Калкып учкан жайдары булуттардай
Учкум келет, айыл, сага карай.

Кайырма:
Булуттардай, булуттардай,
Учкум келет, айыл, сага карай.
Булуттардай, булуттардай,
Учкум келет, айыл, сага карай.

Кылымдардан кылым карытып,
Кызыл-Суунун суусу агылып.
Бал жыттанган таттуу кымыздай,
Туулган жердин суусун сагындым.
Жүрсөм дагы алыс араңдан,
Ата Журтум кетпей санаамдан.
Акыл айтып, асыл кеп айткан,
Аталардын кебин сагынам.

Сары-Ой менен Көк-Ой тоосунан,
Бүркүт шаңшып, күкүк сайраган.
Ышкын терип аска-зоосунан,
Жүргөн күнүм эстеп сагынам.
Жылаңайлак, чырпык ат минип,
Жылгалардан тунук суу кечип.
Балтырымды тилип караган,
Балалыгым эстеп сагынам.

Коңур-Дөбө - жайлоо, жашыл төр,
Коңур желдүү, салкын, асыл жер.
Кокту, белес, күнгөй-тескейден,
Кой кайтарган күнүм сагынам.
Түндүгүнөн түтүн булатып,
Апам жапкан нанды сагынам.
Үйүр-үйүр жылкы айдаган,
Атам жүргөн жерди сагынам.
Үйүр-үйүр жылкы айдаган,
Атам жүргөн жерди сагынам,
Апам жапкан нанды сагынам,
Балалыгым эстеп сагынам.

Чаткалдын тоосун ашканда мен,
Чар булут каптап асманда.
Чачымдан сылап ойготтуң сен,
Чатырда уктап жатканда.

Кайырма:
Жакшы эле көрөм,
Жакшы эле көрөм,
Жакшы эле көрөм өзүңдү.

Көк ойдун тоосун ашканда мен,
Көк булут каптап асманда.
Көкүлүм сылап ойготтуң сен,
Көлөкөлөп уктап жатканда.

Кайырма:

Бозойдун тоосун ашканда мен,
Боз булут каптап асманда.
Жүзүмө сылап ойготтуң сен,
Боз үйдө уктап жатканда.

Кайырма:

Сенсиз өткөн күндөрүм мен үчүн жарыгы жок,
Сезилет сен жок болсоң жүрөгүмдүн жарымы жок.
Себебин айтчы жаным жазаладың жазыгы жок,
Калдым го гүлдөй соолуп күн тийбеген азыгы жок.
Сен дагы мени сагындыңбы деги айтчы?
Жаралуу жүрөгүмдүн ачуусун бир жазчы.
Дүйнөдө сени мендей сүйгөн бир адам барбы?
Сен деле мени сүйгөндөй сүйбөйсүң эч бир жанды.
Башталып, аягына жетпей калган кайран сүйүү.
Дале угулат кулагыма сүйөм деген сөздөрүң.
Алыстасың, жаным эстедиңби өткөн күндү?
А мен болсо сенден эч качан үзбөймүн үмүтүмдү.
Кечирчи ардагым, сени кармай албадым.
Ансыз деле ачуу сүйүүнүн азабын тартамын.
Жазчы же чалчы, айтып койчу дарегиңди.
Ишенип мен күтөйүн кайра кайтып келериңди.

Кайырма:
Сен дагы мени сагынганда,
Канатсыз учкуң келеби?
А мен өзүңдү сагынганда,
Жолуңду карай беремин.
Кусалык жүрөгүмө толуп,
Ансайын сүйүп өзүңдү.
Үнүңдү жылажындай тунук,
Эстеймин жылуу сөзүңдү.

Эмнегедир жакшы көргөн гүлдөрүңдү ала берем,
Гүлдөрүм терезеде кургап дайым кала берет.
Экөөбүз жакшы көргөн жерлерге бара берем,
Элесиң эстеп алып ырларымды жаза берем.
Сен болдуң менин түгөнбөгөн ыр булагым жаным.
Кайрылып келсең айтып берем арманымдын баарын.
Жазып же чалып койчу, айтып койчу дарегиңди.
Ишенип мен күтөйүн кайра мага келериңди.

Кайырма:

Сенсиз өткөн күндөрүм мен үчүн жарыгы жок,
Сезилет сен жок болсоң жүрөгүмдүн жарымы жок.
Жазчы же чалчы, айтып койчу дарегиңди.
Ишенип мен күтөйүн кайра кайтып келериңди.

Таштадың санаага, акың бар беле?
Сагынтып жүргөнгө акың бар беле?
Саамайың сыласам, башка адамдай качасың,
Акың жок, сенин акың жок?!


Кайырма:
Жүрөгүмдү оорутканга акың жок
Жаш сүйүүмдү басынтканга акың жок.
Эми сени унутканга алым жок,
Таштаганга сенин акың жок.


Таң эрте түшүмдө көрүнөт элес,
Аттиң ай, ал элес кайрадан келбес.
Өкүнтүп жалгыздык азабына таштадың го,
Акың жок, билгин, акың жок.

Скажите, девушки, подружке вашей,
Что я не сплю ночей, о ней мечтаю,
Что всех красавиц она милей и краше,
Я сам хотел признаться ей,
Но слов я не нашёл.

Очей прекрасных огонь я обожаю,
Скажите, что иного я счастья не желаю,
Что нежной страстью, как цепью, я прикован,
Что без нее в душе моей тревога и печаль.

Когда б я только смелости набрался,
Я б ей сказал: "Напрасно ты скрываешь,
Что нежной страстью сама ко мне пылаешь.
Расстанься с глупой маскою и сердце мне открой".

Очей прекрасных огонь я обожаю,
И на земле иного я счастья не желаю,
Что нежной страстью, как цепью, я окован,
Что без нее в душе моей тревога и печаль.

Хочу тебе всю жизнь отдать, тобой одной дышать...

Сен деги кандай немесиң?
Сүйүүмдү качан сезесиң?
Жалт карай өтсөм жаныңдан,
Байкабай кете бересиң.
Сүйүмдү арнай беремин,
Жообуңду күтүп келемин,
Мамилең муздак болсо да,
Көзүңдөн сүйүү издеймин.

Кайырма:
Ак сүйүү баркын билбеген,
Сен өзү кандай немесиң?
Башкалар айткан сөздөрдүн,
Жалганын кантип сезбейсиң?
Чын эле кантип сезбейсиң?

Кадырым билбе, сен үчүн,
Жанымды чабам не үчүн?
Бир күнү "сүйөм" деп келсе,
Деп жүрөм үзбөй үмүтүм.
Сен өзү кандай немесиң?
Сүйүүмдү качан сезесиң?
Жалт карай өтсөм жаныңдан,
Байкабай кете бересиң.

Кыздар өтүшөт, жылдыздай жарык чачып,
Кыздар өтүшөт, гүлдөрдөй жыты аңкып.
Бирок негедир, ишенбей жигиттерге,
Муздак карашат, сырларын ичке катып.
Көздөрү сүйкүм, күлкүсү шыңгыр, тунук,
Жүздөрү болсо, кол жеткис аппак болуп.
Бирок негедир, ишенбей жигиттерге,
Күмөн санашат, жигитти сынап туруп.

Жигиттер жүрөктөн сүйүүшөт,
Жалындап алоолоп күйүшөт.
Жанган сүйүүсү туруктуу,
Түбөлүккө күтүшөт.
Жалган айтып жүрөк жибитпе,
Ишенгиле, кыздар жигитке,
Табы кайтпас күйгөн оттой,
Сүйүү жашайт жигитте.

Жигит сүйүүсү, нөшөрдөй жазда жааган,
Жигит сүйүүсү, шамалдай айгай салган.
Бирок жигиттер намысты бекем тутат,
Самашат тунук, сезимди эсте калган.
Жигит сүйүүсү, ак толкундай көлдөгү,
Жигит сүйүүсү, ыпысык күн чөлдөгү.
Жандап өтпөстөн, жылмайчы мага сулуу.
Жанымды берем, көзүм башка көрбөдү.

Эстеймин ошол түндү,
Поездде бирге барган.
Жиби жок өзүңүзгө,
Билдирбей байлап алган.

Улгайган жашын билем,
Уланды сүйүү деген.
Киргенче купеңизге,
Каткырып күлкү менен.

Кайырма:
Ылдам, ылдам, ылдам,
Поезд жүрүп барат.
Сизге болгон сүйүүм,
Кайра күчөп барат.

Коңшулаш купедеги,
Бейтааныш сизди күтөм.
Чыкпайсыз түн ортосу,
Аны мен жакшы билем.

Айта албай саламымды,
Таанышпай каламынбы?
Кара көз карындашым,
Көрсөтчү карааныңды.

Кайырма:

Бүгүн менин түнү менен уйкум келбей, эркин койдум кыялды.
Аягы жок космостун мейкинине кыялым сапар алды.
Чексиз ааламдын табышмагы түгөнбөйт,
Өзүнө чакырат алыстагы бир жылдыз.

Кайырма:
Старт алдым, жылдыздарга,
Ааламдын кучагына,
Максатыма жетсем анда,
Жаңы жылдыз жанат асманда.

Алга койгон максаттарым тынчтык бербей, алыстарга чакырат.
Ааламдын сырларын билгиң келсе, өзүндөн гана сура
Ар бир адамда жылдыздын жарыгы бар,
Ачылып бергин сен ааламдын кучагына.

Кайырма:
Старт алгын, жылдыздарга,
Ааламдын кучагына,
Максатыңа жетсең анда,
Жаңы жылдыз жанат асманда.

Биздин кыялдарда чексиз аалам жатат,
Эркин ойлонуп талпыналы максаттарга.

Кайырма: