Асманда учкан ак кептер,
Айланып кайтып бир келер.
Атадан калган асыл жер,
Арманым айтам укса эл.

Элим үчүн жүрөк оорусун,
Жерим үчүн жүрөк оорусун.
Элим үчүн жүрөк оорусун,
Жерим үчүн жүрөк оорусун.

Жалындуу жүрөк тутанып,
Жашоого жаным чырмалып.
Турмуштан туура жол таппай,
Жүрсөм да элден, жерден адашып.

Элим үчүн жүрөк оорусун,
Жерим үчүн жүрөк оорусун.
Элим үчүн жүрөк оорусун,
Жерим үчүн жүрөк оорусун.

Аманат айтам агайым,
Анты бар арзуу жигиттин.

Мен мусулман адам уулу,
Сен да ошондой мусулман.
Менин диним - Ислам дини,
Бир Кудайды туу туткан.
Сен да ошондой мусулман,
Мен да ошондой мусулман.

Кайырма:
Аллоху Акбар!
Аллоху Акбар!
Ла иллаха илла лоху,
Ла иллаха илла лоху,
Ашхаду анна Мухаммаду Рассул Алло.

Өмүр сага берилгендей,
Жараткандан берилди.
Алладан нур төгүлгөндө,
Биссмилла деп төгүлгөн.

Кайырма:

Кел, ыйманга келгиле деп,
Жаратканым чакырар.
Ыйманы бар адам уулун,
Алла Таалам жактырар,
Жаратканым жактырар.

Кайырма:

Шумкардай булут жиреп,
Жарышып мезгил менен.
Ак бата сурап алып,
Алыска жөнөдүң сен.

Сыймыгың энең, атаң,
Санааркап оорубастан.
Сапардан келгениңде,
Сүйүнүп тосуп алса.

Кайырма:

Айылдан кеткениңде жетем деп тилегиңе,
Зарыгып сени күткөн ата-эне.
Капырай келет эле, кечикти балам неге?
Алдыңа кетсем деген ата-эне.

Тулпардай шамал жиреп,
Талпынып из келгенде.
Турмушта ордуңду издеп,
Тууруңдан учарда сен.

Табылса издегениң,
Тез эле келем дедиң.
Катташып турсак ошол,
Бактысы ата-энеңдин.

Кайырма:

Окуучулук күндөр чогуу өткөн досторум,
Бир бөлүшүп кубанычты, кайгы-капаны.
Ошол күндү эстейли, кел, жолдошторум,
Бир бололу эскербестен таарынычтарды.

Кайырма:
Мейли, досторум, күн өтүп, токтобосун,
Отуралы арнашып бир достук тостторун.
Менин досторум, Кудай бизди колдосун,
Кыйын күндө тандалат го достун достору.

Досумдун колу ооруса, жүрөгүм сыздайт,
Кандай сонун дайым жүрсө досуң калкалап.
Достук менен ынтымакты бийик көтөрсөк,
Эч бир душман кол көтөрбөйт, кетпейт талкалап.

Кайырма:

Туу көтөрүп достукту,
Достук билбейт боштукту,
Бекем бололу, достор, жолдоштукка.
Оболоп бийик учсаң да,
Эч убакта досторуңду унутпа.

Ала-Тоо аралап, асфальт жол чубалат,
Айылга кеткен жол жүрөк кубандырат.
Мен алыс кетерде апакем айткандай,
Ааламга кеткен жол айылымдан башталат.

Кайырма:
Сагындым айылды, алмалуу багымды,
Мен ойногон көчө, мектепти сагындым.
Сагындым айылды, тоолорун сагындым,
Апаке, апаке, жытыңды сагындым,
Жытыңды сагындым.

Айылда ынтымак баарынан бек турат,
Акылсыз жүргөндү жеңелер кеп кылат.
Очоктун тамагы, ак сүттүн каймагы,
Сагынтып чакырат, чыдамым калбады.

Кайырма:

Yнсүз тиктеп тоонун булагын,
Өткөндү эстеп бүгүн мен турамын,
Аттиң, менин ошол бала курагым.

Актай кагаз алганмын,
Ак кайык жасаганмын,
Окуучулук өмүрүм деп жазганмын.
Аккан сууга салганмын,
Көпкө чуркап барганмын,
Узаганча кол булгалап турганмын.

Кайырма:
Агып кеткен окуучулук кайыгым,
Эми издеп таппай калдым дайынын.
Yнсүз тиктеп тоонун булагын,
Өткөндү эстеп бүгүн турамын,
Аттиң, менин ошол бала курагым.

Он жыл бирге туздашым,
Классташым, курдашым,
Аман болгун, тагдыр кайда бурбасын.
Акыл айтчу ар дайым,
Эжелерим, агайым,
Кеч болсо да рахматым айтайын.

Кайырма:

Эсиме алсам мен сени,
Жаш келет го көзүмө.
Сулуу дешти эл сени,
Сырдашкан бир күндөрдө.

Ошол жыргал кезде мен,
Өзүң менен тааныштым.
Эгер болсо чын сүйүү,
Неге менден алыссың?

Кайырма:
Сагынычтан кол булгап,
Махабатым алсырайт.
Коштоштуруп сен менен,
Эт жүрөгүм кансырайт.
Махабат деген ушундай,
Капа болбо, досум ай.
Экөөбүзгө арналган,
Тагдыр иши ушундай.

Жан дүйнөмдө сезимдер,
Муңайган дарт көзүңдө.
Сүйө албадым, жалгызым,
Коштошордо өзүңдү.

Бакыт башка конбоду,
Тагдыр жазса болгону.
Махабаттын кыйышпай,
Эки айрылды жолдору.

Кайырма:

Тарбия бардыгына бирдей берет,
Он бала болсун багат ата-эне.
А бирок ошол ону биригишип, биригишип,
Багышпайт ата-энесин эмнеге?

Кол созуп бир кездерде келе-келе,
Келе бер, кармат мага, өзүң жебе.
Дегендер боор көтөрүп, үй-жай күтсө, үй-жай күтсө,
Унутат ата-энесин эмнеге?

Турмуш оор, жүз каталык кеткен күндө,
Ойлон, дос, жаңылыштык кылып жүрбө.
Билсеңер, ата-эненин милдетинен, милдетинен,
Кутула албайсыңар тирүүңдө.

Туурдан учурганын унут койбо,
Адамдык сапатыңды астиң ойло.
Өзүңдөй таш боордукту балдарыңдан,
Көргөндө өкүнбөгүн, ушуну ойлон.

Ак баракка сөзүн жазып,
Обонун жүрөккө сактап.
Түн ортосу ойго батып,
Ал жигит уктабай жатат.

Кайырма:
Кызды сүйгөн ырчы жигит,
Ушунча уялчаак беле?
Сезимдерин айта албастан,
Обон кылып ырдай берет.

Махабатын көрктөп турган,
Жаз күнүндөй кыз көңүлү.
Ак сүйүүнүн ырларына,
Алып учат жаш жүрөгү.

Кайырма:
Кыз жактырган ырчы жигит,
Сезимдерин айтпаса да.
Анын сулуу ырларынан,
Түшүнгөндөй уга берет.

Күндөр өтүп, жаз да келди,
Эки жүрөк жолугушту.
Айлуу түндө сыр чечишип,
Ал кечте бирге болушту.

Кайырма:
Ак сүйүүсүн обон кылып,
Ырчы жигит ырдап турса.
Жаш сулуунун жүрөгүндө,
Сүйүү гүлү гүлдөй берет.
Аппак сүйүү түбөлүккө,
Жүрөктөрдө жашай берет.