Сулуусуң сен элдин баары карашкан,
Жигиттер сени самашкан.
Каректер дайым талашкан,
Жагымдуусуң сен.
Сулуулукту курал кылып колдондуң,
Сезимди алдап ойнодуң,
Оолуттуу карап койбодуң,
Жеңил ойдосуң...

Кайырма:
Жигиттен жигит тандадың,
Жасалма сүйүү арнадың.
Чырмалып жалган жашоого,
Өзүңдү сен алдадың.
Сүйөм деп байды алдадың,
Сулуу деп жашты кармадың.
Туруксуз сүйүп акыры,
Жалгызсырап сен калдың.

Мезгил өтсө кетет сырткы сулуулук,
Сүйгөндөр кетет бурулуп.
Жүрөктө калса жылуулук,
Бактылуусуң сен.
Убакыт бар бактыңды сен кармагын,
Сүйүүнү жалгыз баалагын.
Өзүңө теңди тандагын,
Азыр кеч эмес...

Биз таанышып жазгы күндө,
Бирге жүрдүк жамгырлуу түндө.
Жаш баладай жазгы күнүм,
Күбө болгон сүйүүгө.

Кайырма:
Мына бүгүн жаз жамгыры,
Тереземди черткилеп.
Үмүт менен күтөм сени,
Жазда эле сүйүүм келер деп.

Коштошкон күн али эсимде,
Жамгыр төккөн себелеп.
Жамгыр менен кошо ыйладым,
Күткүн жазда келем деп.

Кайырма:
Мына бүгүн жаз жамгыры,
Тереземди черткилеп.
Үмүт менен күтөм сени,
Жазда эле сүйүүм келер деп.

Ай жылдыздан бүткөн, ак сүйүүсүн төккөн махабат,
Арзыйт аны күтсөм, азабына түтсөм махабат.
Аптабына күйсөм, алоолонуп сүйсөм,
Жалганы жок жандап, жаныңда мен жүрсөм,
Башка жандан таппас, бакыт ушул ырахат.

Кайырма:
Ай жүзүмө күндө, айым нурун чачкандай,
Ай көрүнүп түндө ашык болуп жаткандай.
Ак сезимдер жайнап, жан дүйнөмө бүлүк салгандай.
Күн жүзүмө күндө күндүн нурун төккөндөй,
Нуру төгүлүп күндүн ак жүзүмдөн өпкөндөй,
Жаным менин күндө жан дүйнөмө жалын төккөндөй.

Ашык болгон көздөр, аруу таза сөздөр арналат,
Арманы жок күндөр, аппак сага түндөр арналат.
Аптабына күйсөм, алоолонуп сүйсөм,
Жалганы жок жандап, жаныңда мен жүрсөм,
Башка жандан таппас, бакыт ушул ырахат.

Кайырма:

Энем ай, алдейлеген,
Ак жылдыздай алыс тура.
Арабыздан жылдар өттү,
Акты дайра...

Тай-тайлаган таттуу үн кайда?
Там-туң, тум-таң баскан күн кайда?
Алпештеп ай баккан түн кайда?
Алыстаган асыл күн кайда?

Айланайын асыл энекем,
Теңдиги жок асыл берекем.
Ак сүтүңдү мен актаар бекем?..

Жактырдым сени жан дил менен,
Жаныңдан кетким келбейт менин.
Асылым, ай, бул жашоодо,
Бактылуумун өзүң менен.

Кайырма:
Кармашкан колдорубуз үзүлбөй,
Ээрчишип бирге жүрөлү бир бүтүндөй.
Aсылым, түбөлүккө ар дайым,
Сүйүбүз гүлдөп турсун дайым күбүлбөй.

Турмуштун татып таттуу балын,
Сага арнаймын, жаным, баарын.
Өзүңдү кыйбай башкага,
Өзгөдөн сени кызганамын.

Кайырма:

Аралап махабаттын багына,
Ашыгым келип калдым жаныңа
Акактай сезим менен сүйдүрүп,
Айландың жан дүйнөмдүн барына.

Кайырма:
Өзүңө арнайын, өмүрдүн бар шаңын,
Өзгөчө сүйкүмдүү, жан эркем ардагым.
Кыялым эңсеген, кымбатым сен белең
Бакыттын багында эркелеген.

Өзүңө сылаттырып саамайым,
Өмүрдүн таптым бакыт-таалайын.
Кыялым кыналышып эх, чиркин
Кылымга сендик болуп калайын.

Кайырма:

Мендик болуп жаралгандай,
Махабатты таптым мен, ай.
Арбаламын көзүм албай,
Бассаң маралдай.
Кыялдар учат сабалай,
Карегиме толдуң айдай.
Карай берем көзүм талбай,
Менин жаным, ай.

Кайырма:
Жылдыздай жана бер,
Бакытка жетелей.
Эч кимге теңебейм,
Эркем, берекем.
Жанымда болчу дейм,
Татына, таттуум сен.
Издегем, издегем,
Таптым периштем...

Күнгө теңейм жамалыңды,
Түбөлүккө болчу жарым.
Бакыт даамын таталычы,
Болсоң күн, айым.
Сүйүү багын сага ачайын,
Сүйүү гүлүн сунайын.
Сүйүү жолунда басалы,
Бирге биз дайым.

Кайырма:

Тайкы ойлоп, сараң болушпай,
Таңкы салкын жайкы конуштай.
Жүрөк сырын бирге чечишип,
Жүрөлүчү көңүл оорутпай.

Кайырма:
Жакын жүрсөк, оолак болушпай,
Жаман айтып, аңдып тоорушпай.
Мезгилибиз, мезгилибиз өтөр кош айтып,
Жүрөлүчү көңүл оорутпай.

Түнт мүнөздүү, түркөй болушпай,
Ойноп-күлсөк, ойго коюшпай.
Гүлдөй назик адам көңүлү,
Жүрөлүчү жүрөк оорутпай.

Кайырма:

Издеп жүрүп кыялымды,
Капысынан таптым, дароо жактың.
Эч ийилбес жүрөгүмдүн
Тилин кантип таптың, өзүңсүң бактым.

Кайырма:
Жашоонун шаңын,
Бакыттын даамын сезип жатам.
Сезимдин сырын,
Жүрөктүн үнүн кантип катам?
Үмүтүм жанып, талайлуу бакыт издеп жатсам,
Бир өзүңдөн таба алам.

Бакытымсың бүт өзүмдү арнаган,
Колдон эмес жүрөктөн да кармаган.
Бул жашообуз деңиз болсо чалкыган,
Бир бололу биз кемеде калкыган.

Бир ааламда жашасак
Кайда жүрдүң алыста, болмок табышсак.
Жашоо бизди жакындатып
Келген тура карыштап, тагдыр табышмак.

Кайырма:

Эгер болсо таарыныч,
Не кыласың таарынып?
Өткөн өттү кел, досум,
Келечекке кам уруп,
Жайнамазга баш уруп.

Жакшы адамдар доско бай,
Көңүл сүйгөн достор бар.
Бири-бириңди чансаң да,
Тарых чанбас жолдор бар.
Гүл өстүрүп көңүлгө,
Не бир сонун сөздөр бар.
Өз апаңдай тиктеген,
Мээрим толгон көздөр бар.

Жакшылыктар көп болуп,
Кудай көзү түз болуп.
Жүрөйүнчү түбөлүк
Досторума дос болуп,
Бактылуулук коштолуп.

Жакшы адамдар доско бай,
Аке-үкө достор бар.
Жакшы күндөр көп болот,
Бизди күткөн тойлор бар.
Бал тамызып көңүлгө,
Не бир ширин сөздөр бар,
Наристедей тиктеген,
Таза, тунук көздөр бар.

Кандай адам доско бай,
Жүрөгү от шоктор бар.
Беш маал намаз окуган,
Ыйман толгон достор бар.
Нур тамызып жүрөккө,
Не бир хадис кептер бар.
Досту досум деп билип,
Кадырына жеткен бар.

Биз жолуктук, качан, билбейм, үмүтүм,
Жүрөк отун бийлеп алдың сен бүтүн.
Бир гана эмес, тагдырга миң,
Тагдырга миң, таалайыма ырахмат.
Бизди кошкон,
Ошол айлуу, ошол жыргал,
Ошол бейпил түн үчүн.

Мен жашоодо канча жолу ыйладым,
Бакыт издеп, өзүмдү өзүм кыйнадым.
Жолукканда карай берип,
Карай берип, карай берип көзүңдү.
Кубанычтан көөдөнүмө,
Көөдөнүмө көлкүлдөдүм, сыйбадым.

Ошондогу сулуулугу, ай, дүйнөнүн,
Мен Жер шарын чарк айланып жүргөнмүн.
Билбесем да бар экенин,
Бар экенин бул дүйнөдө ак сүйүү,
Мен өзүңө качандыр бир,
Бир убакта жолугарым билгенмин.

Билбесем да бар экенин,
Бар экенин бул дүйнөдө ак сүйүү,
Мен өзүңө качандыр бир,
Бир убакта жолугарым билгенмин,
Жолугарым билгенмин.

Кыска этек киесиң,
Кылыктуу жылмайып жүрөсүң.
Кыйналып ичимден,
Кызганып жатканым билесиң.
Сымбатың менен сыйкырлап мени,
Санаага ойду чырмап салдың.
Жашоомо бакыт тартуулап анан,
Жүрөктү аста уурдап алдың.

Кайырма:
Саамайыңа күндү илейин,
Сен да мага көңүл бурчу!
Махабатым билдирейин,
Токтой турчу!
Сезимимди океандай,
Сен да туюп кабыл алчы.
Эзе бербей өчүң бардай,
Аясаңчы!

Көзүңдү боёйсуң,
Көңүлдү азгырып коёсуң.
Кокустан кез келсек,
Көрсөң да, көрмөксөн болосуң.
Жамалың менен жадырап карап,
Жанымды торго илип алдың.
Жомокто сулуу периште сымал,
Жүрөккө аста кирип алдың.