Жаным, сен жүрөк козгодуң,
Капилет мага жолугуп.
Белестеги гүл болуп мойнума,
Эркелеп сүйүп оролуп,
Назданасың жашынып.
Кадам таштап шашылып,
Мен жүрөм ашыгып.
Күн нурундай чачылып,
Күлкүң айдай ачылып.

Кайырма:
Арманга сен мени таштаба,
Аяп мени суранамын кетпе башкага.
Ай чырайың жагып башкага,
Антип мени азапка сен түртүп таштаба,
Сүйөмүн сени.

Жагат сен күлүп койсоңчу,
Өмүрүм дайым шаттана.
Каректериң мен сүйүп кубанып,
Бакыттан ысык жар салмак.
Назданасың жашынып,
Кадам таштап шашылып,
Мен жүрөм ашыгып.
Күн нурундай чачылып,
Күлкүң айдай ачылып.

Кайырма:

Түнү бою уктабастан ойго батам,
Көз ирмебей сен жөнүндө ойлоп жатам.
Кете бердиң кайрылбай,
Жок сүйүүгө арбалып,
Калдым мен жалгыз, күн өтөт сансыз,
Жок үмүткө алданып, ардагым.

Кайырма:
Жашаймын жан дүйнөм ооруп,
Сагыныч жүрөккө толуп,
Көңүлүм ачылбаган муздак түн болуп.
Күндөрүм күнгө окшошпой,
Күттүрүп кеттиң коштошпой,
Саргайып жүрөгүмдө толду арманым.

Сенин эми жүрөгүңдө башка адам, билем,
Билсем дагы мен баары бир өзүңдү эңсейм.
Жашоомдун кызыгы белең,
Сүйүүмдүн жылдызы элең.
Түшүнбөйм, жаным,
Ишенбейм, жаным,
Кеткениңе адашып.

Кайырма:

Өрүктөр бышкан малында,
Өмүрүң күлгүн чагында,
Өкүнтүп бизди атаке,
Кайрылбай кеттиң алыска.

Өзүңдү жоктоп сагына,
Тагдырга калдык таарына,
Элесиңе зар болуп,
Апакем калды артыңда.

Кайырма:
Тирегим менин, кымбатым менин,
Ардактуум менин атаке
Айткан сөздөрүң, жылуу көздөрүң
Дайыма жашайт эсимде,
Ыйлайт жүрөгүм, сыздап жүдөдүм,
Түшүмө кирчи суранам.
Калдым мен жалгыз
Күн өтөт сансыз
Кыйналдым алсыз арманда.

Сен бар кез калды кап-кайда?,
Кайрылып келбес жактарда.
Ырымда жашап каласың,
Мен үчүн жок башка айла.
Элүүгө жашың чыкканда,
Алдырып ажал душманга,
Кызматын көрбөй кыздардын,
Калтырдың бизди арманда.

Кайырма:

Сагындым мен өзүңдү,
Сиз деп айткан сөзүңдү.
Унута албайт окшоймун мен,
Сенин кара көзүңдү.

Кайырма:
Эсиңдеби сен жаным,
Сүйөмүн деп айтканың.
Мени ушунча ишендирип,
Неге мени алдадың?

Алтыным мен күнүгө,
Сени көрөм түшүмдө.
Мына азыр олтурамын,
Ырым арнап өзүңө

Кайырма:

Кайда кеттиң сүйгөнүм,
Сени күтүп жүрөмүн.
Элесимде, көз алдымда,
Сен жылмайып күлгөнүң.

Кайырма:

Айылыңа бардым, бардым капыстан,
Жактырып сени, сулуу, татынам.
Жагоо таккан сенин таажы мончогуң,
Төп келишип сага баары жарашкан.

Кайырма:
Чынароу деп чакырсам чыкпай үйүңдөн,
Чын арнаган ак сүйүүң барбы көңүлдөн?
Чырмадың чынжырлап байлап сүйүүмдү,
Чынын айтчы, Чынара, кимде көңүлүң?

Достор менен бирге айыл ичинде,
Айланып сага келем кечинде.
Атыңды атап Чынара десем,
Айтууга болуп сөздү чечимге.

Кайырма:

Балбылдаган көздөрүң арбады,
Балдай ширин сүйүүнү арнады.
Бакытым деп жүрөгүм тандады,
Бир сени, жаным.
Бапестеп жашайын сени ар дайым,
Балапаным, мендик болчу, айым.
Байлап алды күлгөнүң жайдары,
Сендик мен, жаным.

Кайырма:
Жалжалым, мага, жаным керексиң,
Жараткан берген, жаным, белексиң.
Жашоомо жарык чачып келесиң,
Жанып белесиң.

Жаркыраган жылдызым, аппагым,
Жамалың сулуу таңдын атканы.
Жаныңда кантип күндүн батканын,
Сезбеймин, жаным.
Жароокерим, кайдан сага кабылдым?
Жалгызымды издеп бүгүн таптым.
Жан дүйнөмдүн чырагын жандырдың,
Сүйүүнүн, жаным.

Кайырма:
Жалжалым, мага, жаным, керексиң,
Жараткан берген, жаным, белексиң.
Жашоомо жарык чачып келесиң,
Жанып белесиң.

Күттүм сени жолуң карап,
Күттүм сени келет деп.
Саамайымды желге тарап,
Жалгыз турдум сени эстеп.
Күттүм сени күндөп-түндөп,
Күттүм сени сагынып.
Келет деген үмүт менен,
Турам зарыгып.

Сен жүрөсүң кайда?
Таба албайм айла.
Таш беле кыздардын жүрөгү?

Кайырма:
Ансайын көрсөм деп эңсеткен,
Ак сүйүүм бир гана сен дегем!
Жоодурап көздөрүң элестеп,
Жолуңдан күтөмүн кетпестен.

Күттүм сени күн өтсө да,
Күттүм көңүл калбастан.
Үмүтүмдү үзө албай,
Максатымдан танбастан.
Күттүм сени, күтө берем,
Жашоо сенсиз жалгандай.
Жалгыз гана күтүү үчүн,
Жаралып мен калгандай.

Сен жүрөсүң кайда?
Таба албайм айла.
Таш беле кыздардын жүрөгү?

Кайырма:

Көргүм келет сенин кара көздөрүңдү,
Айткым келет сагынычка толо сөзүмдү.
Жүрөгүмдө сен, ойлорумда сен,
Дагы эле күтөм өзүңдү.

Кайырма:

Айланайын эне деген сенин атыңдан,
Ааламда эч теңдеши жок затыңан.
Алыс жолго арыбастан барсын деп сени,
Ал күч берип, алпештедиң жашымдан.

Уйку көрбөй кечтиң түндүн неченин,
Ууз сүтүндү актап жашар бекенмин.
Ушул жашоо өмүр берсе канчалык,
Урмат кылып сага таазим этемин.
Маңдайымдан жылбай сен күлдүң,
Мага бердиң ыйык, аппак сүтүңдү.

Ай-күнүм, ай-күнүм, ай-күнүм,
Берекем асылым, көлөкөмсүң,
Атыңды данктаймын, атыңды энекем.
Ай-күнүм, ай-күнүм, ай-күнүм,
Берекем асылым, көлөкөмсүң,
Атыңды данктаймын, атыңды энекем.

Коргошундай ээрип сүйүүнүн табына,
Коштуң мени тирүүлүктүн сабына.
Коргоп келдиң сен мени эчен ооруу, сыркоодон.
Коркок кылып жүрөгүмдү кагыла,
Уйку көрбөй кечтиң түндүн эченин,
Ууз сүтүндү актап жашар бекенмин.
Ушул жашоо өмүр берсе канчалык,
Урмат кылып сага таазим этемин.
Маңдайымдан жылбай сен күлдүң,
Мага бердиң ыйык, аппак сүтүңдү.

Ак сүйүүдө канат байлап учкум келет,
Учкум келет тээ алыска сени издеп.
Жалдыраган көздөрүм жашын төгүп турат,
Жалгыз сен деп.
Карагаттай көздөрүңдү сагынамын,
Махабатка ак сүйүүгө багынамын.
Тоскоол кылган бизге, ал адамга таарынамын.

Кайырма:
Экөөбүз эки жакта, жолдор башка,
Бөлүп турган экөөбүздү ошол чакта,
Жалгыз адам эле тоскоол кылган сага, мага.

Алыстасың, карааныңды көрө албай,
Кыйналамын жан дүйнөмдү сүйүүң арбай.
Алсыраймын, жаным, бактым сага байлангандай.
Сүрөтүңө кадаламын көзүм канбай,
Күндөрдү эстеп басып жүрчү сени жандай,
Жалбыраксыз калдым жашым төгүп ыйлап,
Жалгыз талдай.

Кайырма:
Экөөбүз эки жакта, жолдор башка,
Бөлүп турган экөөбүздү ошол чакта,
Жалгыз адам эле тоскоол кылган сага, мага.

Бир өзүңдү, жаным, чындап сүйчү элем,
Жалыны жок муздак отко күйчү элем.
Алсырайм, жаным,
Үмүт үзбөй күтүп келем.

Кайырма:

Сүйчү элем сени жаным жаңылбай,
Сүйчү элем тоскоолдукка багынбай.
Акыр бир күн айрып салдың сүйүүмдөн,
Көздөн жашым агат дайым тамчылай.

Кайырма:
Сенин ордуңа ошол адам жашайбы?
Сени эмес, мени азапка салбайбы?
Сүйүшкөндөр айрылбастан түбөлүк,
Бирге болуп бул жашоодо калбайбы?

Үзүлбөгөн үмүтүмдү камчылап,
Көздөн жашым ак баракка тамчылап.
Ырларымды бир өзүңө жазам деп,
Азап тартып ыйлайм, жаным, канча убак?

Кайырма:
Сенин ордуңа ошол адам жашайбы?
Сени эмес, мени азапка салбайбы?
Сүйүшкөндөр айрылбастан түбөлүк,
Бирге болуп бул жашоодо калбайбы?