Бүгүн неге жашым төктүм да,
Ой көлүнөн чыкпай чөктүм да.
Мээримиңе такыр бөлөнбөй,
Ата, сизди көрбөй өстүм да.
Жүрөгүмө толгон кусалык,
Ошол үчүн ыйлайм, өксүйм да.

Кайырма:
Бул азаптар мени кыйнады,
Таба аламбы издеп атамды?
Кусалыктар мени кыйнады,
Таба аламбы издеп атамды?

Шылтап коюп баарын тагдырга,
Бири-бириңден өчүң алдың да.
Наристе элем, күнөөм жок эле,
Ошол үчүн өксүйм, жашыйм да.
Көөдөнүмө толгон кусалык,
Эх, атаке, көрбөй өстүм да...

Бул азаптар мени кыйнады,
Таба аламбы издеп атамды?
Сагынычтар мени кыйнады,
Таба аламбы издеп атамды?

Бул азаптар, сагынычтар мени кыйнады,
Таба аламбы издеп атамды?
Кусалыктар, ызалыктар мени кыйнады,
Таба аламбы издеп атамды?
Айыктырып жүрөк жарамды...

Иса Өмүркулов "Алия"

Кайырма:
Али, Алия, сүйөм сени дайыма,
Али, Алия, тартылам жаным сага.
Али, Алия, үмүт берчи сен мага,
Али, Алия, жүрөгүм арнайм сага.

Жоогазындай сенин көркөмүң,
Арбап алды кара көздөрүң.
Тоготпойсуң сырдуу жылмайып,
Кыйнадың го, байкуш жүрөгүм.
Кылыктанып неге кыйнайсың,
Сезимдерим кабыл албайсың,
Жомоктон чыгып келдиңби сен,
Эркелеп дайым назданасың.

Кайырма:

Бийлеп берчи көңүл жыргасын,
Көз карашың жүрөк туйлатсын.
Кыялымда сени жетелеп,
Өмүр бою сүйүү арнайын.
Кылыктанып неге кыйнайсың,
Сезимдерим кабыл албайсың,
Жомоктон чыгып келдиңби сен,
Эркелеп дайым назданасың.

Кайырма:

Кайчы бир кулак кара атым, ахай,
Кара атым эмес канатым, ахай.
Калың бир элдин ичинде, ахай,
Какшап бир ырдаар адатым, ахай.

Топчу бир кулак тору атым, ахай,
Тору атым эмес канатым, ахай
Топ жыйындын ичинде, ахай
Таңшып бир ырдаар адатым, ахай.

Жакалай бүткөн даракты, ахай,
Жайкы жел жүрүп ыргалтты, ахай.
Жайдары мендей жигитти, ахай
Жакшына кыздар ырдатты, ахай.

Байке деген, эркелеген, татына сүйкүм элең,
Жүрөгүмдү элжиреткен, жакшына күлкүң менен.
Мезгил шашып, жыл алмашып, бой жеттиң карындашым,
Түгөйүңдүн бактына, жар болгун мөлтүрөгөн.

Кайырма:
Келин болдуң, барып кондуң, ак сүйүүңдүн багына,
Өзүң улап, турмуш жолун, ак жолугуң салына.
Бактылуу бол карындашым, көздөн жашың тамбасын,
Жашооңорго, Жаратканым, жакшылыгын арнасын.

Кубат бере, ата-энеңе, нур сымал жаркырадың.
Эми жеттиң, эрезеге, гүл кыял шам чырагым.
Кубанып да, муңайып да толкуп турат көңүлдөр.
Ушул ирмем, канат кагып, уядан талпынасың.

Жаш кезимде жан эргиткен айылыма,
Суктанамын ушунчалык мен дайыма.
Тунук, сулуу булактарын ойлогондо,
Тургум келет түбөлүккө мен жанында.

Кайырма:
Айылым, айылым, айылыма баргым келди,
Арча жыттуу абасынан таткым келди.
Айылым, айылым, айылыма баргым келди,
Атыр жыттуу гүлдөрүнөн таткым келди.

Жаз мезгили жаштар чыгат ошол тоого,
Жылына бир жаз айланып күн болгондо.
Мен ойлосом чыдай албай ошол күндү,
Айылымды эстеп мен да жөнөйм жаз болгондо.

Кайырма:

Өзгөн жакка бир келип кет дедиң сулуу?
Өзгө эмессиз өзүм күтөм дедиң сулуу.
Өзгөн жакка бир келип кет дедиң сулуу?
Өзгө эмессиз өзүм күтөм дедиң сулуу.

Кайырма:
Өзгөндүк кыз, өзгөчөсүз,
Өзгөндүк кыз жүрөгүмдү өрттөдүңүз.
Өзгөндүк кыз, өзгөчөсүз,
Өзгөндүк кыз жүрөгүмдү өрттөдүңүз.

Майда, майда, майда өрүлгөн чачтарыңдан,
Чие тартып, осмо койгон каштарыңдан.
Майда, майда, майда өрүлгөн чачтарыңдан,
Чие тартып, осмо койгон каштарыңдан.

Кайырма:

Өзгөн күрүч ашын демдеп келем дедиң,
Өзгөн суусу, көк чайынан коё келгин.
Өзгөн күрүч ашын демдеп келем дедиң,
Өзгөн суусу, көк чайынан коё келгин.