Өзүңдү таптым, өрт болуп жалыным,
Жадырап күлүп сен жүрөккө от салдың.
Сагыныч ээлеген саналуу аралык,
Жети күн калса экен кылымдай саналып.

Жаратканга жетип үнүм,
Жалгыз сага, жаным, кезиктим.
Жашоодогу бул жети күн,
Эң бактылуу мезгил.

Кайырма:
Таанышуу арзууга айланды,
Бир аптада, бир заматта.
Алтыным, мен сага байландым,
Бир аптада, бир заматта.

Баткан күндө, аткан таңда,
Жанашып дайыма.
Өткөн күндөр өзүң менен,
Сүйүүнүн ортосунда.

Кайырма:

Мээрим төгүп бүт ааламга
Пайгамбарым Мухаммад сен келдиң,
Жылуу сүйлөп ар бир жанга
Жарык жолго жетеледиң,
Унутпагын мени үммөтүм деп,
Сүннөтүңдү белек кылып кете бердиң.

Кайырма:
Йаа расуулу Алла,
Солли Аллааху алейхи ва саллам
Йаа расуулу Алла,
Ассаламу алейкум

Көргүм келет Пайгамбарым
Нурдан бүткөн сүйкүмдү жүзүңдү,
Дуба кылам күндөп-түндөп орундалсын тилегеним,
Шапаатыңдан берип жаратканым
Бирге кылсын сени менен бейишинде

Кайырма:

Сен барда болбойт кайгы тушаган,
Канат байлап уча алам,
Кайрайт мени бүт аалам.
Мен кайда барсам өзүң оюмда,
Сүйүү деген сонун да

Кайырма:
Сен кайдан келдиң?
Сен менен гана баарын жеңдим
Жок дебей мага жообуң бергин
Балапаным менин перим, аа.

Термеген, ырахатка бул убак,
Ыргагындай угулат,
Жүрөгүмдөн ыр курап.
Сен менен сезимимди аруулап,
Өмүрүмдү жаңылап...

Кайырма:

Ишенем сүйүү баяны,
Бактылуу болот аягы...

Күндөй нуруң күлүмдөгөн
Гүлдөй сулуу келбетиңден.
Сенин оттуу жамалың да,
Суктандырып күлкүң менен.
Сулуу жүздүү алтыным,
Жаным менин, асылым.
Жүрөгүмө кондурдум,
Жаркылдаган жаркыным.

Кайырма:
Гүлдөй, гүлдөй
Жаным гүлдөйсүң,
Жүрөгүмө жакын жүргөнсүң.
Сенсиз мага өмүр жоктугун,
Жаным өзүң билгенсиң.

Акылын шай көркүң менен,
Эч кандай кем келтирбеген.
Экөөбүз бир жүргөн кезде,
Сыр калчу эмес чертилбеген.
Сулуу жүздүү алтыным,
Жаным менин, асылым.
Жүрөгүмө кондурдум,
Жаркылдаган жаркыным.

Кайырма:

Көркөм сулуу келбетиңде,
Сендей жан жок жер бетинде.
Бизге карап тамшанчу эле,
Кош ак куу да, көл бетинде.
Сулуу жүздүү алтыным,
Жаным менин, асылым.
Жүрөгүмө кондурдум,
Жаркылдаган жаркыным.

Бүгүн мен сени эстедим, сени эстедим,
Жолуксам айтып берем себептерин.
Жаштыгым кеткичекти, өмүрүм өткүчөктү,
Бул сезим аба-суудай керек дедим.

Өрттөдүң жүрөгүмдүн бары-жогун,
Жолу бар кантип аны дарылоонун.
Айыкпайм башкалардан, жок калды башка аргам,
Билемин сенден бөлөк дары жогун.

Билбеймин кайдан сени табарымды,
Билдирип койсоң боло кабарыңды.
Көз албай тиктесем дейм,
Ыр жазып бүтпөсөм дейм,
Сагындым, жароокерим, жамалыңды...

Балбылдаган көзүң беле шам чырак,
Байкасаң, жакшы сөздөр айтылат сенин дарегиңе.
Ошол күндүн элесине байлангам,
Жолуңдан тоссо көлөкөңө кошо айлангам.

Ажарың сүйүү сунгандай,
Азабың дагы жыргалдай.
Өзүң бар үчүн бул дүйнө
Өзгөчө жаркып тургандай.
Сен жүрөгүңдү жалгыз мага арнасаң,
Мен сүйүү кушун учурбай бек кармасам.
Биз бактылуу болот элек ар качан,
Ысык-Көлүм тоңуп, сызып кетсең ак куу болуп
Жүрөк кезейин, дүйнө кезейин, издеп сени.

Кадырыңа жетсем деген жигит көп,
Карматпай ал ансайын бийиктеп кайда умтуласың.
Сырдашалы келчи бүгүн кечинде
Сындырып шагын мунурасын, жаным, кечирбе.

Ажарың сүйүү сунгандай,
Азабың дагы жыргалдай.
Өзүң бар үчүн бул дүйнө
Өзгөчө жаркып тургандай.
Сен жүрөгүңдү жалгыз мага арнасаң,
Мен сүйүү кушун учурбай бек кармасам.
Биз бактылуу болот элек ар качан,
Ысык-Көлүм тоңуп, сызып кетсең ак куу болуп
Жүрөк кезейин, дүйнө кезейин, издеп сени.

Арпанын Ала-Тоосунан,
Аркарын атсам зоосунан.
Ардактуу шумкар экен деп,
Алсам дейм куштун боосунан.

Айлыңа күндө баргандан,
Артымды ойлоп чочунам.
Асылкеч сендей келиндин,
Айлантып өпсөм оозунан.

Калкыңа күндө барганда,
Капырай, минтип чочунам.
Кадыркеч сендей келиндин,
Кайрылып өпсөм оозунан.