КЕЧЭЭ...

• Аранжировкачы жана ырчы Жаныш Момунов 15-февралда 33 жашын белгиледи. Туулган күнүн тоого барып тосуп келем деген ою аткарылбай, жакындарынын курчоосунда кафеде өткөрдү.
• Мажит эми олуттуу ырларды аткара баштады. Алсак, Жолон Мамытовдун сөзүнө жазылган “5-б класс” деген ырын кайрадан жаңыртып ырдап чыкты.

БҮГҮН...

• KG Эльмурат түштүктү түрө кыдырып концерт коюуда. Алгач Аксы жергесинде ырчы жигиттин үч куудул досу менен биргеликте үнү жаңыра баштады.
• Алпаруучу Назира Айтбекова кайрадан КТРКда. Эми “Бравону” же “Хитпарадды” эмес, “Замана” студиясында алпаруучулукту аркалайм деп турат.

ЭРТЕҢ...

• Эмил Балтагулов, Жеңишбек Токтобеков, Аалы Туткучев ырчы болом дегендерге жана ырчыларга сынак жарыялашууда. Мухаммед пайгамбар тууралуу жакшы текстти обону менен алып барсаңыз, акчалай сыйлыктарга ээ болосуз.
• Куудул Жаныбек Алыкулов уюштурган “Чоң куудулдар ордосу” деген борбор эми Коомдук биринчи каналда “Куудул отуруш” теледолбоорун улантат. Долбоордун максаты – жаңы таланттарды чыгарып, анекдот, сатира, монологдорду эл ичинен топтоп, автордун катышуусу менен элге жеткирүү.