Актриса Милла Йовович 14-Февраль – Сүйүшкөндөр кү­нүндө Москва шаарында болду. Милла Тимур Бекмамбетов тарткан “Ойнооктор” тасмасынын бет ачарына келген. Тасмага Бекмамбетовдун дайымкы каармандары Иван Ургант, Константин Хабенский, Владимир Меньшов, Сергей Гармаш тартылышкан. Романтикалык комедияда Милла колуктунун ролун аткарган. Ошондуктан ак көйнөк кийип, колуктунун гүлүн көтөрүп келген актриса сахнага чыгып гүлдестесин ыргытты. Гүлдестени тосуп алган Ксения Собчакты Иван Ургант “бул сенин акыркы мүмкүнчүлүгүң” деп тамашага салды. Тасма жакында чоң экранга чыгат.