Элге негизги керектүү азык-түлүктөр күн санап кымбаттап жатат. Тийиштүү мекемелер “баанын өсүшүн токтото албайбыз” дешүүдө. Экономикалык тескөө министри Учкунбек Ташбаев: “Азыркы кезде негизги экспорттоочу өлкөлөрдө баалар өсүүдө. Бирок Казакстанда буудай 10 пайызга жогоруласа, бизде 50 пайызга өстү. Ортодогу соодагерлер өз ара сүйлөшүп алышкан”,- дейт. Бийлик өкүлдөрүнүн билдирүүсүнө караганда, баалар мындан ары да өсүшү мүмкүн. “Ушуларды тескей албаган бийликти миллиарддаган сомдорду коротуп элибиз эмнеге багып жатат?” деген суроо туулат. 2009-жылы буудай баасы 6 сом болсо, азыркы кезде 16 сом турат.