Бишкек шаарынын Биринчи Май райондук сотунда 10-март күнү Исхак Масалиев менен Үсөн Сыдыковдун үстүнөн сот иши болуп өттү. Анда кылмыш курамынын жоктугуна байланыштуу экс-депутат Исхак Масалиев толук акталып чыкты. Ал эми “массалык баш аламандыкты уюштурууга тиешеси бар” деген күнөө менен Үсөн Сыдыков 6 жылга шарттуу түрдө кесилди.
Президенттик администрациянын мурдагы башчысынын жаш курагы 68 жашка барып калгандыгына байланыштуу ушундай өкүм чыгарылгандыгы маалым болду. “Сот Үсөн Сыдыковго эң төмөнкү жазаны берүү керек деп эсептейт”,- дейт сот Кымбат Архарова.