Казакстандын Уральск шаарында 29-марттан 3-апрелге чейин Казакстандын көз карандысыздыгынын 20 жылдыгына карата бокс боюнча эл аралык турнир болуп өттү. Бул мелдешке Кыргызстандын, Орусиянын, Монголиянын, Өзбекстандын жана Тажикстандын 120дан ашуун мушкерлери катышкан. 81 килограммга чейинки салмакта чыгып жүргөн мушкерибиз Чингис Борбашев алтын медаль утуп, мындан сырткары «Мыкты мушкер» наамына татыды. Асадулло Баймурадов (75 килограммга чейин) жана Нурсултан Шерматов (69 килограммга чейин) коло медалды утуп алышты. Эскерте кетсек, бул турнирге биздин өлкөнүн намысын коргоого, болгону, 4 мушкер барган.