Учурда Бишкекте ЖОЖдор арасында 16-универсиада кызуу жүрүп жаткан кез. Ага баш калаанын 23 окуу жайы катышып, спорттун 18 түрү боюнча кыл чайнашууда. 29-апрелде бүтө турган саамалыкты азырынча И.Раззаков атындагы Кыргыз техникалык университети (КТУ) тизгиндеп келе жаткан чак. Уюштуруучулардын бири, КРнын Студенттик спорт федерациясынын президенти Шаршен Касеновдун айтымында, быйыл жылдагыдан өзгөчө таймаш болуп, Билим министрлиги тарабынан өзгөчө көңүл бурулууда. Универсиаданын чемпиондору август айында Кытайда өтүүчү Дүйнөлүк Универсиадада намысыбызды коргойт.