18-апрель күнү Ош облусунда Өмүрбек Бабановдун жактоочулары тарабынан аны коргоо комитети түзүлүп, ал тууралуу ушак-айың сөздөрдү таратып жаткандарды токтотуу талабы көтөрүлдү. Ошондой эле алар Бабановдун тегерегиндеги маселелерди, маалыматтарды элге тез аранын ичинде туура, так жеткирүү жана бийликтегилерди биримдикке чакырган кайрылуусун Жогорку Кеңешке жолдошту.
Ушундай эле талапты калган алты облустагы жактоочулары да коюшууда. “Эс алууда жүргөн Бабанов кандай “фокус-мокустарды” көрсөтүп жиберет болду экен” деп саясаттагы “оюнчулардын” ою ойду-тоону аралап жаткан кези. Ал эми Өмүрбек мырза бул колдоолор ага дем берерин “Кыргызстандын келечеги үчүн” кыймылынын мүчөлөрү менен жолукканда билдирди.