Голландиянын “Венло” футболдук клубу 1 жаш 8 айлык Берке ван дер Мей аттуу балакай менен келишимге барды. Бул ой клуб жетекчилигине анын оюнчук салынуучу кутуга топту таамай багыттаган видеоролигин көргөндөн улам келген. Макулдашуу “жаш оюнчунун” атасы Йорганын көзөмөлүндө 10 жылга түзүлдү.
Учурда Голландиянын Жогорку Лигасында оюн алпарган “Венло” анын кайсы позицияда ойноорун аныктай элек. Таланты менен эле эмес, канында футболчунун гени бар экени менен да кубандырган жаш талант клубдун атайын сайтына каттоодон өттү. Эскерте кетсек, Беркенин чоң атасы, футболчу Ян ван дер Мейде өткөн кылымдын 50-60-жылдар аралыгында бул клубдун мыкты оюнчуларынан болгон.