WWW.SUPER.KG сайтынын Медиа-порталындагы “Элдик видео” бөлүмүнө колдонуучулар тарабынан Бактыгүл Бадыева тартылган видео жүктөлгөн эле. Бир мүнөткө жетпеген бул видео учурда Кыргызстандын интернет порталдарынын баарында жүрөт. Видеодо ырчы Кытайда жүрүп “Манастын тукумдары! Кытайлар бизди басканы жатат! В атаку! Ленин үчүн!” деп кыйкырып, “дыгыдык, дыгыдык” деп жүгүрүп “ат чааптыр”.
Муну көргөн колдонуучулар кызуу талкууга алып, “бул кыз чегип же ичип алганбы? Ырчынын кыларыбы ушу?” деп ачууланышса, айрымдары «бирөөлөр менен мелдеше кетип, ушундай буйрукту аткарууга аргасыз болсо керек. Ырчы болсо эле ойнобой калмак беле» деп, дагы бирөөлөр «таанымал адам болгон соң алды-артын байкап жүрбөйбү. Чоң эле кыздын талпаңдап чуркаганы кызыктай көрүнөт экен. Абайлабаса, достору эртең ажатканада отурганын да интернетке жарыялап жиберишпесин» деген сыяктуу пикирлерин калтырышууда. “Бул Бактыгүлдүн тамашасыбы же чындап эле кызуубу?” деп биз да таң калып турган кезибиз.