Дайыр Исмадияров бизге берген интервьюсунда бир ырчы кызды сүйөрүн айткан. Гезит чыккандан тарта эле окурмандар бойдок ырчы кыздарды «катарга тизип», өз варианттарын билдиришүүдө. Телефон чалууларда, www.super.kg сайтына жазылган билдирүүлөрдө ырчы Кайыргүлдүн аты көп аталып жатат.
Эсиңизде болсо, Кайыргүл биздин окурмандарга “сүйүүмдү таптым!” деп сүйүнчүлөгөн эле. Ал да сүйүктүүсү чыгармачыл чөйрөдөн экенин маалымдаган. Сүйүшкөндөр сезимдерин сыр кылышканы менен, элдин көз жаздымында калышкан эмес окшойт.