Ырчы Микаэлдин өлүмүнө байланыштуу кылмыш ишиндеги тергөөдө көңүлдөн тыш калтырылган, а балким, атайын “маани берилбей калган” жагдайлар бар экени билинди. Андыктан Бишкек шаарынын Биринчи Май райондук соту ал жагдайларды кайра иликтөө үчүн ишти прокуратурага берүү токтомун чыгарды.
Эсиңиздерде болсо, өткөн жылдын 31-мартында жырткычтык менен өлтүрүлгөн ырчынын өлүмүнө шектүү катары анын досу Эркин Турусбеков кармалып, иш сотко өткөрүлгөн эле. Соттук иликтөөнүн жүрүшүндө тергөө кезинде тиешелүү маани берилбей калган шектүү кытай жигити бар экени билинди. Ырчынын өлүмү боюнча кайра тергөөнү эми прокуратура жүргүзмөкчү.