Президенттин Жогорку Кеңештеги өкүлү Азимбек Бекназаров кызматынан кетүү жөнүндө арызын жазды. Бул тууралуу: “Биздин өткөөл мезгилге карата белгиленген тарыхый миссиябыз бүттү. Аягына чейин туруп бердик. Президенттик шайлоо күнү да аныкталды. Учурда бардык мамлекеттик органдар иштеп жатат”,- деп жооп берди. “Сиздин тарыхый миссияңыз жаңы президент келгенге чейин эмес беле же Роза Отунбаева менен пикир келишпестиктер болдубу?” деген сурообузга: “Жок, эч кандай тил табышпай калуу болгон жок. Биз дагы жаңы саясий доордо өз ордубузду табышыбыз керек. Кантсе да али жашпыз, парламенттик мамлекеттин мындан ары түптөлүшүнө салым кошо беребиз”,- деп жооп берди.