23-июль. Ташкент. “Пахтакор” стадиону. 20:00 (Бишкек убактысы менен)

21-июлда 2014-жылкы мундиалдын Азиядагы 2-тандап алуу оюндарынын алкагында улуттук курама команда Өзбекстан менен беттешүү үчүн Ташкентке жөнөп кетти.
Ташкентке кетер алдында курама командабыз 2 жолдоштук оюн өткөрүштү. 16-июлда “Дордой-2ни” 2:1 эсебинде утса, 18-июлда Кантта “Абдыш-Ата” менен 0:0 эсеби катталды.

Курамга 17 футболчу кирди:
Дарбазачылар: В.Волков (“Дордой”), Р.Амиров (“Абдыш-Ата”).
Коргоочулар: А.Байматов (капитан), Д.Аскаров, В.Кичин (үчөө тең ­“Дордой”), М.Ажи­ниязов (“Нефтичи”), К.Шератов, Р.Усанов, В.Шумейко (үчөө тең “Абдыш-Ата”).
Жарым коргоочулар: А.Власичев, (“Дордой”), А.Сыдыков, (“Абдыш-Ата”), В.Хорошунов (“Алга”), Ш.Рахманов (“Нефтичи”), А.Орозалиев (“Нефтичи”).
Чабуулчулар: М.Мурзаев (эркин агент), К.Шарипов (“Дордой”), Р.Жамшидов (“Нефтичи”).
Башкы машыктыруучу: М.Жумакеев.
Эске салсак, жооптук беттеш 28-июль, бейшемби күнү Бишкектеги “Спартак” стадионунда өтөт. Башталышы 18:00дө. Кирүү акысы 50 сом.