“Адат болду күндө кечинде, Айганыштын үйүн айланыш” деп ырдаган Аваз Акимов чыныгы жашоосунда бир да кыздын үйүн айланып көрбөптүр, чиркин. “Мураталы Күреңкеев атындагы музыкалык окуу жайды аяктап, учурда Кыргыз улуттук университетинин экономика факультетинин сырттан окуу бөлүмүнө тапшырып, студент болдум. Бирок дагы деле бир да кыздын расмий жигити болуп көрө элекмин”,- деп арман кылат Аваз. Андыктан сүйүүнүн даамын татып көргүсү келип жатканын жашырбаган ырчыга сынак жарыялап, бийкеч таап берсекпи деп калдык.