10-октябрда Эдил аттуу жеке ишкер жайында грек-рим күрөшү боюнча Азия чемпиондугун жеңип алган, келечектен көптү үмүттөндүргөн балбан Арсен Эралиевге темир аргымак мингизди. “Бул кадамым өсүп келе жаткан муундарга стимул, спортко кош көңүл караган чоңдорго үлгү болсун”,- деди Эдил мырза белекти тапшырып жатып. Ал эми Арсен ага ыраазычылык билдирип: “Мындай көрүнүштөр, албетте, бийиктикке умтултат. Бир кезде Канат Бегалиевдин эмгеги бааланып, машина алып жатышканда абдан шыктангам”,- деди.
Эдил мырза тууралуу айтсак, ал 29 жашта, Көлдүн кулуну. 2007-жылдан тарта Гонконгдо жеке ишкерлик менен алектенет.