1-Октябрь – Ош шаарынын күнүнө карата доорлорду карыткан шаарда чоң спорттук иш-чара өттү. Вале тудо боюнча Евразиянын чемпиондук куру үчүн беттеште “Мухаммед Умардын” тарбиялануучусу Кылычбек Саркарбаев орусиялык Виталий Опаринди техникалык нокаут менен жеңип алды. Муну менен Кыке өзү туулуп-өскөн шаарына майрам күнү унутулгус белек тартуулады. Аны менен катар бул күнү 2 рейтингдик беттеш орун алды. 70 килограмм салмакта Сүйөр Калыков жеңсе, 70 килограммдан жогору салмакта Кангелди Тойчиев мыкты болуп чыкты. Жеңүүчүлөр автоунааларга ээ болушту.