Ырчы Нурзат Садыкова Уркуя Салиеванын 100 жылдыгына карата ыр-сынактын тандоо турунан өтүп кетти. Эми 15-октябрь күнү болуучу баш байгеге коюлган Мерседес үлгүсүндөгү автоунааны багынтуу үчүн камылга көрүүдө. 1-орунга 100 000 сом акчалай сыйлык да бар экенин, андыктан жакшы тилек менен катышканы жатканын билдирди. Аталган сынакта эч кандай фонограммасыз жандуу ырдаш керек. Ал үчүн Силима Абдылдаева, Гүлнур Асанова, Аида Кулуева сыяктуу ырчылар да ат салышышмакчы.