НОВО-ОГАРЕВО, 10-октябрь, «РИА Новости».

Орусиянын премьер-министри Владимир Путин жана Кыргыз Республикасынын Президенттигине талапкер Алмазбек Атамбаев жолугушту. Эки өлкөнүн соода-экономикалык кызматташтыгын талкууга алышкандыгы туурасында Орусия өкмөтүнүн башчысынын басма сөз катчысы Дмитрий Песков журналисттерге билдирди.
“Путин менен Атамбаев эки тараптуу мамилелердин учурдагы аспектилерин, көбүнесе соода-экономикалык кызматташтык маселелерин талкууга алышты”,- дейт Песков.
Кыргызстандагы президенттик шайлоо 30-октябрга дайындалган жана ал 2010-жылдын апрелиндеги президент Курманбек Бакиевди кулаткан мамлекеттик төңкөрүштөн кийин бийликти легитимдештирүүнүн кезектеги этабы болуп калат. Азыр республиканын башчысы Өткөөл мезгилдин президенти Роза Отунбаева болуп эсептелет. Анын ыйгарым укуктары 2010-жылдын 31-декабрында аяктайт. Мыйзам боюнча, Отунбаеванын шайлоого катышууга укугу жок.