Дүйнөдө эмне таттуу десе эле уйку эске келет эмеспи. Бирок мен айтар элем, жаңыдан сүйлөгөндү үйрөнө баштаган баланын тили андан таттуу деп. Бүгүнкү менин таттуу маектешим белгилүү ырчы Мирбек Иманбековдун кызы Арууке болду.

Толук аты-жөнү – Алыканова Арууке Мирбековна
Жашы – 3 жаш 6 ай
Жакшы көргөн оюнчугу – Коляска жана куурчагы
Жактырып жегени – Банан
“Чоңойгондо ырчы болом” дейт
Жакшы көргөн мультфильми – “Шрек”
Учурда бир үйдүн тун кызы

– Атың ким?
– М-м... Айуке.
– Канчадасың?
– Үстөмүн (эки бармагын көрсөтүп).
– Санаганды билесиңби?
– Бий, эки, үс, төйт, калганын билбейм.
– Арууке, кимдин кызысың?
– Атанын, маманын.
– Кимди биринчи жакшы көрөсүң, атаныбы же маманыбы?
– Маманы (ойлоно калып), жо-ок, атаны. Баайын жаксы көйөм.
– Атаң менен мамаң сен тентек кылганда урушабы?
– Ова, “үйдү часты, часты” дейт. “Косметикти (косметика) чачпа, чувык менен сабайм” дейт. Ата мени жаксы көйөт. Ал больсочу, моминтип кучактап алат (колдору менен өзүн кучактап), анан бетимден кечке өбөт. Улушпайт.
– Атаң жумуштан келгенде сага эмне алып келип берет?
– Сыль (сыр), колгот (колготки), сым (шым), момуну (көйнөгүн чоюп), сыкалат алып келет. Анан кечке жата бейет.
– Эмнени жакшы көрөсүң?
– Сыкалат (шоколад).
– Чачыңды ким байлап берди кооз кылып?
– Мама.
– Атаң эмне деп эркелетет сени?
– "Мыя-мыя, мысыгым" дейт, көтөйөт. Ата менен магазин байганда “та-айс” деп жыгылды.
– Анан атаңдын башы “ох” болдубу?
– М-м... Оойуп атат дагы осондой болуп.
– Кандай оюнчуктарды жакшы көрөсүң?
– Компутей ойнойм, ыйдайм.
– Компьютер менен кантип ойнойсуң?
– Муну басам, анан тигини басам. Жайылат анан.
– Кашаны жакшы көрөсүңбү?
– Ыкы, сүт жаман, каса жаман. Алма, банан жакшы.
– Атаң үйдөн сага ырдап береби?
– Ата кечке ыйдайт, “айылым” деп. Анан Султан, Акбай, Кундуз апа келет. Алай гитайа (гитара) менен ыйдашат, “элим, кыйгызым” деп. Конокко байабыз Кундуз апага. Ал “Тимаха (Акбар Сүйүнбаевдин байкесинин баласы) менен ойно” дейт. Тимаха жаман. Тимаха атаны "кайната" дейт. Султанды жаксы көйөм. Ал сыкалат (шоколад) алып келет.
– Сен ырдаганды билесиңби?
– Эзилет жүйөгүм, тун жүйө-өгүм. Бойду, ыйдабайм.
– Ырды ким үйрөттү.
– Өзүм.
– Бийлегендичи?
– Ыкы. Дагы ыйдайм, жаңы ыйды. Айылым, айылым, айылыма байгым келет.
– Атаң кайда иштейт, биле­сиңби?
– Ова, жумуста истейт.
Апасынын телефонунан Майкл Жексондун сүрөтүн көрө калып “мовул Майк Зексон. Апам жаксы көйөт” деп калды.
– Апаңа жардам бересиңби?
– Сүйтөм тыйапка (тряпка) алып.
– Мультик көрөсүңбү?
– М-м... “Сйек” (“Шрек”) көйөм.
– Кимден коркосуң?
– Бокочодон. Ал келгенде “кия” деп тээп, бычак менен “чык” деп кесип салам. Анан койкпойм.
– Апаң ляля төрөп берсинби?
– Ова, эйкек төйөйт. Мен аны ойнотом. Уйушам. “Тентек кылба” дейм.

Бахияна Сатылганова
star@super.kg