Ноябрдын акыркы күнү ырчылар Омар, Ильяз Абдыразаков, Сайкал Садыбакасова жана Добр болуп Ильяздын үйүнө чогулушуп, “Супер-Инфонун” гимнин жаңыртып жаздырышты. Гимндин аранжировкасын Ильяз баштап, иниси Нияз бүтүрдү. Кыскасы, калайык, супер концертке кызуу даярдыктабыз. Андыктан эки күн гана, 12-13-декабрда Спорт Ордосунда сүйүктүү гезитиңиздер “Супер-Инфо” сиздерге эстен кеткис чер жазуу тартуулайт. Эстрада каймактарынан турган мегаконцерт болот. Суук күндү ысык кылган сулуулар сынагы... Эң негизгиси, жылдын суперлери мына ушул күндөрү аныкталат. Билеттин баасы да супер “скидка” менен 200-350 эле сом турат. Концертке келип, бул жылдын акыркы айын биздин супер концерт менен көңүлдүү өткөрүп кетиңиз.