“Ата Журттун” ыйкы-тыйкысынын аягы көрүнө элек. Бирок Ташиевден безе качып, «лидерликтен кетсин» дегендерди көп өтпөй Камчыбек мырзанын босогосунан көрүшүптүр. Түштөн кийин эсине келишкенби, баягы 14 депутаттын 11и Ташиевдин үйүндө андан кечирим сурады деп уктук. “Эч болбогондон көрө кеч болгону жакшы” дегендей, “кидальщик” депутаттарды эми Ташиев бекемирээк кармайт дей туралы. Анткени эмки аптада коалиция түзүлө баштаса, анда биринчи орунда фракциянын ынтымактуулугу эске алынары бышык.