«Ак-Ордодон үй алып жашап жүргөнбүз. Келинчегим төрөсө, жер там суук деп батирге чыгып кеткен элек. Анан Ак-Ордодогу үйүмө барсам, уурулар тоноп кетишиптир. Эми ичим ачышканын айтпа, үйдөгү буюмдарымды уурдаганы аз келгенсип, балалуу болгондо жууп берем деп 30 бөтөлкө арак катып койгон элем, аны да көтөрө кетишиптир. Баарынан кызыгы, «Супер-Инфо» берген «2010-жылдын супер актёру» деген статуэтканы да ала кетейин деп кайра уялышканбы, бир гана ошону күзгүнүн үстүнө коюп кетишиптир»,- деп күйүп-бышып жүрөт Камчыке.
Тиешелүү органдарга кайрылган актёр «мейли эми, ошолор менен кошо жамандыктын баары кетсин» деп отурат.