«Кыргызстан Обондору» радиосунун ди-джейи Аскат Алдашевдин жакындары той жейбиз деп кубанып жүрүшкөн чактары. Ал тургай Аскат өзү да сүйүктүүсү менен баш кошчу күндү толкундануу менен күтүп жатканын айтат. «Буюрса, 24-декабрь күнү Ысык-Көлдүн Бөкөнбаев айылына барып, Альбинаны сөйкө салып алып келгени жатам»,- дейт кубана.
Аскаттын Альбинасынын кесиби – банкир. Экөө интернеттен таанышып, Аскат кыздын сүрөтүн көрүп эле жактырып калган. Бир жылдай сүйлөшүп, кол кармашып жүрүшкөн жаштар мына минтип бир үй-бүлө болгону турушат.