Бир эмес, бир нече адамга бир эле күндө дүңүнөн сыйлык тапшыралы деген го, Маданият министрлиги. Дегенибиз, ырчылар Айбек Карымов, Сайра Момунбаева, Үмүт Тилегенова "Маданияттын мыкты кызматкери" деген төш белгини бир күндө тагынышып, кубанычтарында чек жок.
Ал эми Эмил Балтагулов маданият жана искусствону өнүктүрүүгө кошкон салымы үчүн Ардак грамоталуу болсо, өкмөттүн Ардак грамотасын алпаруучу Элмара Турсуналиева менен режиссёр Сагын Ниязалиевага Ибрагим Жунусов тапшырды.