Америкалык киноакадемия «Оскар» сыйлыгын тапшыруу салтанатын башка залда өткөрүүнү пландоодо. Бул идея болжол менен 2014-жылы ишке ашат. 2002-жылдан бери аталган абройлуу сыйлыкты тапшыруу аземи Голливуддун «Kodak» кинотеатрында өтүп келген эле. Келишим боюнча, 10 жылдан кийин уюм макулдашууну жокко чыгарып, башка жай издей берсе болот. Айрым маалымат булактарынын айтуусунда, «Kodak» кинотеатрынын жетекчилигинде каржы тармагына байланышкан олуттуу көйгөйлөрү бар экенин айтып келишет.